Hindi porket suplada masama na agad ugali? Hindi ba pwedeng MAY REGLA LANG muna? :D
(c) #Magtagalog Tayo # Twitter
Opinyon ko lamang. Paumanhin kaibigan. #1
Hindi masarap ang Haikou siomai. Crab kunwari. Shrimp na may may extender. Japanese kunno. Pork. Chicken. Name it. Walang masarap. Lahat lasang kartong ikinapit ng harina. Nakakasuka. Kudos na lang sa product presentation nila. Di ko gustong manira, pero tikman ng iyong mapatunayan. Opinyon ko lamang. Paumanhin kaibigan.
#ADMITTED FACT 5
Lahat ng mga mahal natin sa buhay ay mamatay. Ikaw, ako ay dadating rin sa puntong ito ng ating mga buhay. Kailan? Saan? Paano? Sino? Mauuna ka. Maaring ako. Pwede ring sabay tayo. Ewan. SIYA lang ang nakakaalam. Ang maaari mo lamang gawin. Sulitin ang mga araw na kasama mo sila. Ang iyong pamilya. Kaibigan. Ka-ibigan. O sino mang kapwa tao sa mundo inaalayan mo ng pagmamahal. Paniguradong sa huli, wala kang pagsisisihan o panghihinayagangan. At syempre, ang pinakamahalaga, magdasal ka kaibigan.
-“We should enjoy it before it melts. Life is like an ice cream.”
UNDAS
Alas onse ng umaga
Sumapit sa sementeryo
Nadatna’y kumpol ng kubol at tao
Sabay sabay ginunita, alaala ng mahal na yumao
Kasama aking pamilya, nabuklod at nananghalian
Inihaw na tilapia, humba, pansit, litsong manok, salad na prutas
Lahat ng tiyan ay nalamanan
Isang lagok ng Coke at kagat sa malaking saging ang panghuling eksena
Si Lolo ay hindi umalis sa tabi ng puntod ni Lola
Kaming apo niya, habang nagkakantahay, inaliw ang balo
Kwentuhan nina Tiya at Tiyo sa kabilang banda
Reyunyon ng pamilya ang tema ng aming pelikula
Tila nakisama ang langit sa pagtangis ng madla
Malakas na buhos ng ulan sabay ang ihip ni Bathala
Ampiyas na tubig ay naihalamos sa mukha
Pamilya sa bawat kubol ay naging basang sisiw, nakakatawa
Matapos ilang minuto ng pakikipagbuno kay Ulan
Sa wakas ay nagpakita na ang pakipot na liwanag
Init ni Araw ay naramdaman
Heto’t mga tao’y nagliwaliw na naman
Alas tres ng hapon
Dumating ang isang aliwan
Kasama ang ama, pinsan kong bulilit ay bitbit ng kanyang nani
Kurot at halik sa pisngi, ibinungad ng mga sabik na tiya
Nagmiryenda, kumain, walang tigil na pagkain
Ngutngot dito, kasab doon
Mabubusog, magpapahughog
Kain ulit, sige hala hanggang makamit uli ang kabusugan
Napagod sa habulan, nabilaukan sa tawanan
Nangalay sa ngutngutan
Soundtrip at sayawan
Lahat ay pawang kasiyahan
Kalangitay unti unting nabalot ng kadiliman
Nahapyawan sa relo’y ala-sais i-media
Tinawag ni ina para mag-hapunan
May sunod kamong pupuntahan
Matapos kumaiy, nagpaalam na sa iba
Biyahe patungong Lemery ay sinimulan
Puntod ng mga kamag-anak sa parte ni ina
Dinalaw at tinirikan ng kandila
Nawari ko lamang ang kaibahan
Sementeryong publiko at pribado
Dagsa ng tao’y iba sa publiko
Siksikan ng tao’y kainaman at medyo magulo
Mga nitsong patong patong ang tanawin sa publiko
Kumpara sa lapida sa damuhan at naglalakihang musuleo sa pribado
Sa publiko, ang nitsoy nagsilbing tapakan para may malakaran
Mga tulo ng kandilay kinukodkod, katumbas ay pera sa ilang kabataan
Palibhasay malapit sa sementeryo sa bayan ng Lemery
Sinamantala nina Tiya ang Nobyembre a-unong petsa
May kanya kanya silang pwesto
Kandila, utik-utik at sopdrinks ang alok nila
Lumagi doon ng ilang oras
Kumain muli ng pagkaing hain
Di na isinaisip ang kilong madadagdag sa guhit ng timbangan
Ang mahalagay nabusog at grasya sa langit ay di tinanggihan
Kapatid kong nakababata ay dinalaw ng pagod at antok
Kanyang anyaya sa pauwi ay sinabi
Nagpaalam na sa pamilya roon
Sasakyan ay umandar, pauwi sa bahay
Alas-onse ng gabi, sinapit aming tahanan
Naghilamos, naglinis ng katawan at naghanda sa pagtulog
Pagod, antok, masaya
May umusbong na pimpol sa mukha, yun lang ang nakakasura
Nobyembre a-uno o a-dos
Ginugunita natin mga mahal na yumao
Kanilang presensya ma’y nawala sa mundo
Pagmamahal sa bawat isa ay nananatili sa puso
Isang tradisyong kinaugalian nating mga Pinoy
Mawala man ang isa, ang buhay ay patuloy
Ang mahalaga’y pananalig at paniniwala sa Kanya
Tiwala na ang mga mahal na nawalay, mas mabuti na sa piling Niya.
( Sulyap sa ibang litrato? Kaibigan, sa peysbuk ka magtungo. Hanapin ang pangalan ko.)
#ADMITTED FACT 4
Lahat tayo ay dumaan sa pagiging JEJEMON. Nakakatawang aminin, pero totoo.
Anonymous asked: Hi! ;)
Hello! :)))))
Aww. :))))
(Source: cynicismrandom, via salvioblogs)
